Dag 8, SA grendelstaat

-
Ek gaan nooit weer kla oor kersversierings in Oktober nie. Ook nie my ore toedruk as die winkelsentrums Little Drummer Boy van Goombay Dance Band speel nie.
Selfs al speel hulle hom in Julie.
Middernag, 31 Desember 2020 as ek nuwejaarsvoornemens uitstip, gaan ek een in hoofletters skryf....
2021 GAAN EEN MOERSE GOEIE JAAR WEES!!
Want 2020 is gebreek.
Sy mojo is moertoe.
Iemand het die melk uit sy koffie gesteel.
Want die hele wêreld word mal,
en luister in die donker uur,
na die naggeluide,
Van die Corona brolloks en bittergal.
'Skuus Koos.
Die wêreld is mal.
Ek meen, hy was seker nog altyd maar nou, met die spook van 'n virus wat die oorhand het, nou is hy behoorlik mal.
Stapelgek.
Op loop soos n ontsnapte uit n gestig uit wat deur n leërskare polieste gejaag word.
Mense kan beswaarlik wag om hulle bure te verklik - hallo polisie? Dis Karen. Ja. Daai ene - my buurman staan in die straat en blaf vir die maan. Ek dink hy is gekirouna. Kom vat hom asseblief weg!
Ons slaan vuis oor toiletpapier. 2020 is die jaar wat dubbellaag toiletpapier vir n tyd lank meer waardevol was as as goudstawe.
Ons weet net nogsteeds nie hoekom nie.
Wat 'n kakspul.
Almal dra maskers. En vir n verandering nie om kontant te trek by n geldwa nie maar om brood te loop koop.
Mense kyk mekaar skielik suspisieus aan en loop koes-koes verby mekaar. As jy durf nies in Spar bespring 3 gemaskerde helde jou met sulke wyd verstarde oë en spuit jou met ontsmettingsmiddel dat jy drup soos 'n versadige sonsopkoms.
Daar is n liedjie oor dit. Êrens.
Ons kibbel en grom vir mekaar oor waar die ding ontstaan het, wie se skuld dit is, ons moet maskers dra, ons moenie maskers dra nie, dis net griep, dis die einde van die mensdom.
Alles pure verniet.
Want dit is nou wat dit is. En ons moet nou maar saamry of ons daarvan hou of nie.
En baklei en veg is eintlik 'n nuttelose vermorsing van energie wat beter aangewend kan word om onsself te help voorberei vir die Groot Onbekende wat wag. Vir ons almal.
Ons moet ophou veg met mekaar. Ons moet ophou kerm oor alles.
Ons, almal van ons, smag eintlik maar net daarna om weer Little Drummer Boy te hoor aan die einde van hierdie grondpad.
Pa Ram Pa Pa Pam
Kopiereg
Riaan Coetzee
3 April 2020

Comments

Post a Comment

Popular posts from this blog

Dag 48 van die grendelstaat

-
Dis nou regtig genoeg. Vandag het die afgelope 47 dae my net ingehaal soos 'n wafferse Usain Bolt terugvegpoging. Maar instede van my net verbysteek het hy my gepooitjie en toe met sy enorme nommer 15 spykerskoene herhaaldelik oor my geloop en sommer 'n paar skoppe in my ribbes ingekry terwyl hy besig was met my. Sowat van 'n gemoedsbekakking het ek lanklaas in my lewe beleef. Die hele tydperk wat ons ingekerker was bly ek nog 'n glimlag van êrens af opdiep, bly ek soekend na positiewe dinge wat my kan opbeur, en kon ek grotendeels daarin slaag. Want dis nodig en ek is veronderstel om tough te wees en ek het darem 'n bed om in te slaap en kos in my maag en die son skyn en daar is memes met positiewe boodskappe en memes wat my vertel ek is basies net 'n klaende druipnat uilskuiken wat hopeloos te maklik kla want daar is soveel mense wat alles verloor het of niks het om mee te begin nie of wat soveel erger ly so as ek 'n ware man is sal ek net aanhou ...
Read more

Die Regte Rooikappie En Die Wolf

-
Eens op ‘n tyd was daar hierdie dogtertjie gewees wat in Feetjieland, reg langs die Towerwoud, gewoon het.  Eintlik was sy blond maar sy het heeldag met so ‘n rooi mussie op haar kop geloop met die gevolg dat almal in Feetjieland en die Towerwoud haar toe Rooikappie begin noem het.  Vreeslike fraai kind, en tog so lief vir haar Ouma. Ouma het in die nabygeleë Towerwoud gewoon, nie ver van die Houtkapper af nie want hulle twee het saans saam TV gekyk. Survivor was hoog op die lys want die bos was ook maar gevaarlik.  Een goeie dag kry Rooikappie toe ‘n sms van Ouma af waarin sy vra of sy nie asseblief vir haar ‘n paar goedjies uit die dorp sal saambring nie, en dan eet sy sommer middagete saam met Ouma en die Houtkapper. Ouma voel bietjie siekerig en lê bietjie in die bed. So gesê so gedaan, en Rooikappie is toe daar weg na die naaste – en enigste – Spaar in die dorp. Spaar, want in Feetjieland kry jy nie ‘n franchise van die meer bekende winkel groep in menseland ...
Read more