Gister Sou Fine Wees

Wonderwerke gebeur regtig, ek het dit vandag beleef! Ek stap in by 'n gunsteling koffiewinkel vir 'n haastige bekertjie liefde. Ek het 'n snobbistiese koffie benadering, synde ek self in die bedryf staan. Ek sal veel eerder water drink as slegte koffie. En beslis nie kitskoffie nie. Met die instap merk ek 'n splinternuwe melktert op. Hy vang my oog soos 'n bloedrooi nuwe Ferrari by 'n tweedehandse motorhandelaar. Hy lyk sommer so "jy weet jy wil my eet" lekker. Ek besluit toe net daar om maar te vra vir 'n stukkie, synde Vrydag en dag 82 en dis effe koelerig en sommer net want ek kan. Met groot plegtigheid word die snymes nadergehark en met groot presiesheid word 'n reuse sny uitgemeet en gesny, sy rante so netjies soos 'n weermagbed tydens basiese opleiding. Ek staan die petalje met groot oë en gadeslaan omdat my bek water want ek kan nie onthou wanneer laas ek 'n lekker stuk melktert geproe het nie. Die sny word versigtig uit...

Opgedra aan Dame Vera Lynn CH DBE OStJ. "We'll meet again Don't know where Don't know when But I know we'll meet again some sunny day Keep smiling through Just like you always do 'Till the blue skies drive the dark clouds far away So will you please say hello To the folks that I know Tell them I won't be long They'll be happy to know That as you saw me go I was singing this song We'll meet again Don't know where Don't know when But I know we'll meet again some sunny day…" Vera Lynn - 1939 Gebore 20 Maart 1917. Oorbeweeg na die Groot Verhoog op 18 Junie 2020 op die rype ouderdom van 103 jaar. Die soldate op 'n verskeidenheid gevegsfronte gedurende die Tweede Wêreldoorlog was waarskynlik almal ietwat verlief op Vera. Haar alombekende liedjie We'll Meet Again het haar nie net wêreldbekend gemaak nie, maar het ook 'n semi "volkslied" geword gedurende die oorlogsjare. Dit het 'n boodskap van hoop en moe...

Ons was weer hoogs bevoorreg vanaand. Ons het weer 'n president toespraak gekry. Ons mag luister hoe hy gaaf genoeg is om na goeddunke ons regte terug te gee, op die regering se pas. Vreeslik dankie hoor. Maar ons mag nog nie rook nie. Of wettig rookgoed koop nie. Dis nogsteeds iets wat die regering nagte laat wakkerlê van bekommernis oor hulle onderdane se longe wat so mishandel word. Dis net beter om onwettige rookgoed teen beursiebrekende pryse aan te koop, solank die hoofkonstabel jou nie vang nie. Onwettige sigarette is ligter op die longe en het blykbaar 'n positiewe impak op ministers se bankrekeninge. Of so verstaan ons. Corona kry mense ook jammer wat so duur betaal om onwettig op te tree en vermy hulle eerder. Ek dik natuurlik die pap nou lekker aan. Almal weet dat ministers slegs nagte wakkerlê as hulle bankbalanse negatief geraak word. Ons is darem dankbaar dat ons nou weer toegelaat word om by ons gunsteling restaurante te gaan sit en eet. Dis nou indien h...

Standbeelde het nou genoeg gehad van hierdie balhorigheid en veg terug! Van oral af begin wilde gerugte opduik van standbeelde wat hulle verset teen aanvallers wat hulle wil beskadig. Daar het selfs foto's op die internet begin verskyn, wat veroorsaak het dat Antie Fa se mediaskakelbeampte galgebraak het op Twitter - Ons Het Nie Opgeteken Vir Hierdie Geweld Nie, Daar Is Plek Vir Ons Almal In Chaz! Die Internasionale Voorsitter van die Standbeeldvereniging, Meneer A.M. Beeld, het glo net gelag en gefluister dat hulle nog net besig is om op te warm. Dit vat blykbaar 'n tydjie vir 'n standbeeld om op te warm, veral die wat uit marmer gemaak is. Toe Antie Fa hiervan te hore kom het hulle sosiale media met 'n tsunami video's van gillende, huilende lede toegegooi om duidelik te wys hoe verontreg hulle hieroor voel. Chaz het noodberigte uitgestuur vir soveel moontlik ekstra toiletpapier omdat hulle burgers hulleself hieroor beskeit. Die Krygsheer in Beheer het di...

Ek is gatvol om oor die probleme te skryf so vandag wil ek oor iets ander skryf. Iets baie persoonlik vir my, en iets wat ek ontsaglik geniet. Mense reken ek is gek om in ysige water te swem. Hulle is nie noodwendig verkeerd nie. Om in 'n gesellige jacuzzi te klim het beslis sy voordele bo yskoue water. Veral as dit kom by die gerieflikheid daarvan. Warm baddens het maar eers sedert die 1920's begin algemeen voorkom in privaatwonings in die VSA en Europa. Die mens het vir 'n bitter lang tyd slegs koud gewas, en met slegs die nodige in uiterste temperature oorleef. Ons moes, of ons sou uitsterf. Al wat intussen gebeur het is dat ons die gerief van 'n warm bad of stort gewoond geraak het. Daarmee saam ook die gerief van lekker warm klere wat gemaak is om die grootste hoeveelheid koue weg te hou van ons lywe af en die grootste hoeveelheid hitte te behou. Voor ek begin het met hierdie spesifieke malligheid, het ek ook altyd vreeslik opgesien na winte...

Ek was in Brooklyn Mall gewees. Net 'n vinnige deurstap, meer net omdat ek nuuskierig was om te sien hoe dinge daar lyk. Ek was voor die inkerkering begin het laas daar. Dis moeilik om dit te beskryf. Hartseer? Somber. Makaber. Fiasko. Onuithoudbaar. Ek weet nie werklik nie, al wat ek weet is dat ek nie kon wag om daar uit te kom nie. Daar is heelwat winkels oop vir besigheid. Maar grotendeels meer personeel as klandisie. Hoe hulle met daardie hoeveelheid voete selfs net die maand se huur gaan dek is vir my 'n raaisel. Ek twyfel sterk of daar tien persent van die gebruiklike Sondag besoekers was. Die meeste wat jy kan doen is 'n wegneem koffie koop by twee plekke. Die hele spul eetplekke is verder toe soos 'n klei-os se gat. Duidelik het hulle die somme gemaak en besluit dit maak geen sin om oop te maak in die hoop om 'n paar wegneem etes te probeer verkoop nie. Ek wonder hoeveel van hulle gaan weer oopmaak vir besigheid na hierdie fiasko. My vermoede is da...

My muse struikel. Om die waarheid te sê het hy oor sy nommer 11 voete geval en homself desmoers gestamp teen 'n ou krat wat eens op 'n tyd pynappels bevat het. So die muse is gekneus. Dis nie altyd maklik om elke dag met 'n stukkie vorendag te kom nie. Dis harder werk as wat mens besef. Sommige dae vloei dit net soos wyn uit 'n gebarste wynsak. Ander dae moet jy die   outjie letterlik Brein Brooklax voer voor hy aan die gang kom. Gister was so 'n dag. Die enigste beweging tussen my ore was die bloed wat - gelukkig - bly sirkuleer het. Die 12de Junie sal waarskynlik altyd aan 'n heer met die naam Simpson gekoppel word. Maar nie Bart nie, nee. OJ. Dit was op die dag in 1994 waarop Nicole Brown Simpson en Ronald Goldman wreed vermoor is in Los Angeles. Die hofsaak teen OJ het wêreldwyd aandag getrek. In 1923 bevry Harry Houdini homself uit 'n maljassie uit terwyl hy 12 meter in die lug hang, onderstebo, in New York. Julle ken mos 'n maljassie? Daai wittete...